कृतज्ञता सोहळा: पळासखेडे (मीराचे) विद्यालयाचे आधारस्तंभ आदरणीय नानासाहेब पाटील यांना गौरवपूर्ण निरोप.

 

 एक आदर्श कार्यपर्व: सेवानिवृत्ती अभिवादन!                                            

                                                           

 पळासखेडे (मी )प्रतिनिधी:

शेंदुर्णी सेकंडरी एज्युकेशन को-ऑपरेटिव्ह सोसायटी लिमिटेड, शेंदुर्णी संचलित निळकंठ पंढरीनाथ पाटील विद्यालय, पळासखेडे (मिराचे) येथे मुख्याध्यापक आदरणीय नानासाहेब श्री. विकास रघुनाथराव पाटील यांचा सेवानिवृत्ती गौरव सोहळा अत्यंत मंगलमयी आणि भावूक वातावरणात संपन्न झाला. तीन दशकांहून अधिक काळ शिक्षण क्षेत्रात दिलेल्या योगदानाबद्दल मान्यवरांनी नानासाहेबांच्या कार्याचा गौरव केला.

 📍 पूजनाने कार्यक्रमाची सुरुवात:

सोहळ्याच्या सुरुवातीला विद्यालयाच्या प्रांगणात असलेल्या संस्थेचे प्रेरणास्थान कै. बापूसाहेब गजाननराव गरूड यांच्या अर्धाकृती पुतळ्याचे पूजन व माल्यार्पण सत्कारमूर्ती नानासाहेब श्री. विकास पाटील व त्यांच्या सुविद्य पत्नी सौ. किर्तीताई पाटील  यांच्या हस्ते करण्यात आले. 

त्यानंतर 'जय ज्ञानेश्वर दलित वसतिगृहा'च्या हॉलमध्ये ईशस्तवन व स्वागत गीताने मुख्य कार्यक्रमाला सुरुवात झाली.

विद्याची देवता माता सरस्वती, कै. बापूसाहेब गरूड, संस्थेचे श्रद्धास्थान कै. अण्णासाहेब भास्करराव गरूड (नामदेव अण्णा)आणि कै. निळकंठ दादा यांच्या प्रतिमांचे पूजन मान्यवरांच्या हस्ते करण्यात आले.

🎤 मान्यवरांचे गौरवोद्गार:

 

नानासाहेबांच्या कार्याचा गौरव करताना मान्यवरांनी आपल्या भावना शब्दांकित केल्या.

संस्थेचे सचिव काकासाहेब श्री. सागरमलजी जैन यांच्या अध्यक्षतेखाली झालेल्या या सोहळ्यात नानासाहेबांच्या व्यक्तिमत्त्वावर प्रकाश टाकण्यात आला.

 संस्थेचे सहसचिव दादासाहेब यू.यू. पाटील: "कर्तव्यकठोर होऊन कर्म सिद्धांताचे पालन करणारे मुख्याध्यापक," अशा शब्दांत त्यांनी सरांचा गौरव केला.

 प्रा. सुनीलजी गरूड (जुक्टो मार्गदर्शक):  "एक द्रष्टा मुख्याध्यापक" म्हणून सरांचे योगदान अतुलनीय आहे. त्यांनी संस्था चेअरमन दादासाहेब संजयरावजी गरूड व संस्था परिवाराच्या वतीने शुभेच्छा दिल्या.

 श्री. संभाजी पाटील (माध्यमिक पतपेढी अध्यक्ष):  यांनी नानासाहेबांच्या व्यक्तिमत्त्वाच्या विविध पैलूंवर भाष्य केले.

 श्री. रामदादा पवार (मराठा सेवा संघ विभागीय अध्यक्ष): यांनी आपल्या ओघवत्या भाषेत नानासाहेबांच्या मोठेपणाचे वर्णन केले.

  यावेळी श्री. आर.एस. चौधरी सर आणि नानासाहेबांचे धाकटे बंधू श्री. दिनेश पाटील यांनी जुन्या आठवणींना उजाळा दिला.

 ऋणानुबंध: एका ध्येयनिष्ठ अध्यापकाची 'यशस्वी सेवापूर्ती'! 💐"

                                           

✨ अध्यक्षीय समारोप:

अध्यक्षीय मनोगतात काकासाहेब सागरमलजी जैन यांनी आपल्या खास शैलीत आणि शेरोशायरीतून सत्कारार्थींच्या सेवाभावी वृत्तीचा गौरव केला व त्यांच्या पुढील आयुष्यासाठी शुभेच्छा दिल्या.

 👥 उपस्थित मान्यवर:

या सोहळ्याला संस्थेचे ज्येष्ठ संचालक बापूसाहेब श्री. रघुनाथराव पाटील, संचालक दादासाहेब श्री. राजेंद्रजी शेळके, वसतिगृह सचिव श्री. गोविंदराव सूर्यवंशी, माजी प्राचार्य पी.आर. चौधरी, महाराष्ट्र राज्य ॲथलेटिक्स असोसिएशनचे उपाध्यक्ष दादासो राजेश जाधव यांसह अनेक मान्यवर, शिक्षक आणि ग्रामस्थ उपस्थित होते.

 तालुबद्ध नियोजन:

कार्यक्रमाचे प्रास्ताविक पर्यवेक्षक  श्री. जयप्रकाश रामराव पाटील यांनी केले. सूत्रसंचालन श्री. तीर्थराज तुकाराम इंगळे  यांनी अत्यंत प्रभावीपणे व ओघवत्या वाणीने केले.तर उपस्थितांचे आभार श्री. व्ही.डी. पाटील यांनी मानले.

        आदरणीय नानासाहेब,

 तुमचा आजवरचा प्रवास हा केवळ 'नोकरी' नसून ती एक 'साधना' होती. तुमच्या मार्गदर्शनाखाली अनेक पिढ्या घडल्या. निवृत्तीनंतरचा तुमचा काळ सुखाचा, समृद्धीचा आणि उत्तम आरोग्याचा जावो, हीच ईश्वरचरणी प्रार्थना!

 शुभेच्छुक:

समस्त शिक्षक, शिक्षकेतर कर्मचारी व विद्यार्थी वृंद,

निळकंठ पंढरीनाथ पाटील विद्यालय, पळासखेडे (मिराचे).

Maharashtra pulse News 📰 

Shri.Naval Pardeshi